Að vera (vinstri) grænn

Það er gaman að sjá fólk innan VG stökkva á frelsisvagninn í tilefni dóms Mannréttindadómstóls Evrópu í málinu varðandi iðnaðarmálagjaldið til SI. Ungliðarnir vilja ekki að ríkið innheimti félagsgjöld fyrir „pólitísk hagsmunasamtök“. Hins vegar segja þeir að það sé í lagi að ríkið fjármagni þetta með öðrum hætti. Ekki er hægt að skilja þetta á annan hátt en að peningar ríkisins komi þá í gegnum skatta. Samkvæmt þessum aðilum innan VG er því í lagi að láta ríkið rukka alla aðra en aðila að SI greiða kostnaðinn af þessum pólitísku hagsmunasamtökum!

Ég bíð spenntur eftir næstu ályktun frá ungum VG um ASÍ. Samtökin eru fjármögnuð með nauðungargreiðslum félagsmanna líkt og gjöldin í SI. Þá beita samtökin sér pólitískum álitamálum eins og sést glögglega á heimasíðu ASÍ, www.asi.is.

Ályktun Ungra vinstri grænna um ASÍ hlýtur að vera á leiðinni.

 

Segja SI pólitísk hagsmunasamtök

Athugasemdir

[Jón Magnússon, 28.4.2010 kl. 16:52]

Þetta er góð athugasemd hjá þér varðandi Vinstri græna. Það er líka athyglivert að sá dómari Hæstaréttar sem einn var með sératkvæði  og komst að réttri niðurstöðu, Ólafur Börkur Þorvaldsson, er einmitt sá dómari sem margir úr röðum Vinstri grænna hafa ítrkekað talað um sem vanhæfan og hafi bara verið skipaður af pólitískum verðleikum.  Félagasamtök hvort heldur þau eru pólitísk eða ekki eiga að afla sér tekna frá félagsmönnum en eiga ekki að geta þvingað aðra til að borga fyrir sig.