Hvorki völd né umboð

Samkvæmt núgildandi stjórnarskrá verður henni ekki breytt nema Alþingi samþykki breytingarnar bæði fyrir og eftir alþingiskosningar. Stjórnlagaþingið hefði því ekki getað fengið völd til neins nema koma með tillögur. Valdið er hjá Alþingi og hverjum og einum alþingismanni er samkvæmt stjórnarskránni skylt að taka afstöðu til mála á grundvelli eigin sannfæringar. Þar af leiðandi hefði hverjum alþingismanni verið beinlínis skylt að greiða atkvæði gegn tillögum stjórnlagaþings ef þær væru andstæðar sannfæringu hans.

Jafnvel þótt kosningin til stjórnlagaþings, þar sem tilteknir 25 einstaklingar hlutu kosningu, hefði verið lögmæt, væri það ekki aðeins algerlega valdalaust heldur einnig með afar lítið lýðræðislegt umboð. Einungis  um þriðjundur kjósenda (36%) sá ástæðu til að mæta á kjörstað en um tvöfalt fleiri ákváðu að taka ekki þátt.

Þátttaka í síðustu alþingiskosningum var aftur á móti um 85%. Því er ljóst að lýðræðislegt umboð Alþingis er langtum meira en umboð stjórnlagaþingsins hefði verið.

Í þessu ljósi skiptir engu máli hvort nefndin sem kemur með óbindandi tillögur var frá stjórnlagaþingi eða handvalinni nefnd 25 manna. Hvorki vald þeirra né umboð frá kjósendum eru til staðar ólíkt því sem gildir um alþingismenn.


mbl.is Ekki kosið til stjórnlagaþings
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Geir Ágústsson

Þess vegna gæti þessi 25 manna hópur alveg eins hist í eigin frítíma á kaffihúsi og hripað niður tillögur sínar og fært einhverjum Alþingismanni.

Geir Ágústsson, 25.2.2011 kl. 11:58

2 Smámynd: Valdimar Samúelsson

Þetta lítur út eins og einhverjir af þessu 25 haldi að þeir hafi umboð þjóðar til þess að breyta stjórnarskránni og það í einum hvelli. Ég myndi vilja geyma þetta um ótiltekin tíma.

Valdimar Samúelsson, 25.2.2011 kl. 14:20

3 identicon

Helst vildi ég að þetta blessað fólk sem er kjörið á Alþingi hafi dug, getu, þroska, skynsemi, vilja og áhuga til að endurskoða stjórnarskrána.  Hins vegar veit ég að ég er að biðja um hið ómögulega.

H.T. Bjarnason (IP-tala skráð) 26.2.2011 kl. 00:00

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband