Af hverju er lokaspurningin um Sjálfstæðisflokkinn

Getur einhver útskýrt fyrir mér vísindin á bak við það að spyrja hina óákveðnu hvort líklegra sé að þeir kjósi D - listann eða eitthvað annað.

Veldur þetta ekki því að fleiri svarendum er bjargað yfir úr hyldýpi hinna óákveðnu yfir til D - listans en til annarra flokka?

Og þar með að D mælist hærra en annað?

Spyr sá sem ekki veit.

Samfylking og Sjálfstæðisflokkur bæta við sig fylgi

Athugasemdir

[Ingi Björn Sigurðsson, 7.5.2007 kl. 18:39]

Ég er sammála þér ég get ekki skilið þessa spurningu, og hverju hún eigi að  skila. Ef tilgangurinn er að reyna að bæta forspána þá ætti spurningin að vera hvað flokk er líklegast að þú kjósir. 

Einnig vær gaman vita hvort þeir sem er x-merktir í símaskrá eða þeir sem ekki með skráðan síma í skrá séu teknir inn í upprunalegt úrtak, ef ekki þá er skekkjumörkin mun meiri en gefin eru fram. Mig grunar að skekkjan sé meiri en gert er ráð fyrir vegna þess að úrtakið er ekki rétt tekið. Engu að síður þá gefa þessar kannanir ákveðna vísbendingu.

[Guðmundur Björn, 7.5.2007 kl. 18:41]

Tekið af síðu Einars M. Þórðarsonar stjórnmálafræðings:

"Þessi spurning er einmitt höfð inni til að minnka fylgi Sjálfstæðisflokksins. Reynslan hefur sýnt að óákveðnir kjósendur eru líklegri til að kjósa aðra flokka en Sjálfstæðisflokkinn og þess vegna er spurt svona."

Magga Sverris var eitthvað að væla um þetta, og hann er að svara henni í síðasta pistli sínum. 

[Katrín Hafsteins (IP-tala skráð) 7.5.2007 kl. 18:48]

Ingi Björn, til þess að svara spurningu þinni þá get ég sagt þér að samkvæmt upplýsingum sem ég fékk bæði frá Capacent Gallup og Þjóðskrá þá má hringja í x-merkt símanúmer í símaskrá til þess að gera skoðanakannanir, það má bara ekki selja þér neitt.

Hægt er að láta x-merkja sig í þjóðskrá líka og þarf aðeins eitt símtal til þess en þá má ekki hringja í þig til þess að spyrja þig hvort þú kaupir fiskinn þinn í Bónus eða Krónunni eða hvort það sé líklegra að þú kjósir þennan eða hinn flokkinn.

Hinsvegar hef ég furðað mig á þessari síðustu spurningu líka en hún var líka í skoðanakönnun sem birt var síðustu helgi.

[Hinrik (IP-tala skráð) 7.5.2007 kl. 18:56]

Skýringin á þessu með síðustu spurninguna á rætur í rannsóknum á kosningahegðun.  Þannig er að rannsóknir sýna að sjálfstæðisflokkurinn á mun minni hlut í þeim sem segjast vera óákveðnir, óákveðna fylgið rokkar meira á milli hinna flokkanna.  Flestir þeir sem svara þessari síðustu spurningu segjast ætla að kjósa einhvern hinna flokkanna og því veldur þessi síðasta spurning því að að sjálfstæðisflokkurinn fær minna fylgi í könnuninni heldur en ef þessi spurning hefði ekki verið (líkt og vitnað er í hér að ofan frá Einari Mar, stjórnmálafræðingi).  Venjan er svo að þeim sem segjast ætla að kjósa annað en sjálfstæðiflokkinn er svo dreift niður á hina flokkana í hlutföllum við það sem áður er komið fram í þessari könnun. 

 Fyrst og fremst er þessi spurning notuð til að reyna að fækka hlutfall óákveðinna  og reyna að fá sem áreiðanlegastar niðurstöður í könnuninni.  Margir hafa einmitt hnotið um þessa spurningu og talið að þetta væri eitthvað sem hagnast sjálfstæðismönnum, en þetta á sér semsagt þessar eðlilegu skýringar.

[Ingi Björn Sigurðsson, 7.5.2007 kl. 19:12]

Takk fyrir þessar upplýsingar Katrín. Ég vissi reyndar að x-merkingin táknar bannmerki sem þýðir að það megi ekki ónáða í markaðslegum tilgangi, næði ekki til rannsókna. Til að mynda má hagstofan hringja út launakannanir.

Mér finnst rannsóknar mikilvægi kannanan hjá Capacent ekki mikið enda er það þriðji aðili sem kaupir niðurstöðurnar. Mér finnst ekki mikil eðlismunur á símasölu og skoðanakanna úthringingar, spyrillinn er að selja vöru þriðja aðila. Því finnst mér það mjög hæpið að Capacent hafi rétt til að hringja í þá sem eru x-merktir. 

Þrátt fyrir það þá er margir ekki í símaskránni, til dæmis er fæstir sem nota frelsi með skráð númer og einnig þeir sem eru með símanúmer hjá vinnuveitenda sjaldnast skráðir.

Í sambandi við spurninguna þá er ég en svo dregur að ég get ekki skilið tilgang hennar. Segjum svo að aðili segi já við spurningunni, er hann þá ekki tekin inn í fylgi xd? Hvað er gert við aðilan ef hann segir nei?, er þá tekið af fylgi xd?

[Oddgeir Einarsson, 8.5.2007 kl. 09:54]

Góðir og upplýsandi punktar. Vissi ekki að fylgi þeirra sem segjast líklega kjósa annað en D væri skipt niður á þá í hlutfalli við fyrri kannanir. Ef svo er þá er ólíklegra að D sé ofmetið en ég hafði talið þar sem reynslan hefur sýnt að hlutfallslega fáir óákveðnir stökkva á D í kosningunum.