Gagnkvæmt samkomulag

Að lesa upp sjónvarpsdagskrá er mikið ábyrgðarhlutverk og ekki sama hver gegnir því.

Tvær þulur hafa látið af störfum og í fréttinni segir: „Það var gagnkvæmt samkomulag við Guðmund [F. Benediktsson] að hann hætti og Guðrún [Kristín Erlingsdóttir] ákvað að hætta."

Samkvæmt mínum heimildum er Þetta niðurstaðan af löngum fundum þar sem farið hefur verið yfir árangur Guðmundar í starfi. Niðurstaðan var sú að tími væri kominn fyrir nýtt blóð til að hressa upp á sjónvarpsdagskránna, sem hefur tekið að dala undir stjórn Guðmundar.

Flugfreyja flýgur í þulustarfið á RÚV

Athugasemdir

[Sigurjón Þórðarson, 9.11.2007 kl. 11:26]

Þetta er alvörumál sem verður að taka föstum tökum .

Það er aldrei að vita nema að sjónvarpsstjórinn sjálfur Páll Magnússon taki þetta verk að sér til þess að gulltryggja að árangur náist.

[Jensen (IP-tala skráð) 9.11.2007 kl. 23:48]

Það er spurning hvort að áhorf aukist ef að skipt er um þuli,það þykir mér ótrúlegt.Ekki skil ég þá umræðu sem er stundum nú um svokallað jafnrétti,nú verður engin karlþulur hjá sjónvarpinu,er reyndar ekki að horfa á þulina heldur á það sem þetta lélega Sjónvarp R Ú V er að reyna að bjóða uppá.En dagskrá á þeim bæ hefur hrakað,síðan dekurdúkkan Páll Magnússon kom, eða það finnst mér.Ég skil ekki hvað þettað þýðir,gagnvart þuli er sagt var upp að það hafi verið gert við hann ,Gagnkvæmt Samkomulag,vá soldið yfirdrifið hjá þeim á R Ú V.

[S. (IP-tala skráð) 21.11.2007 kl. 12:06]

Ég var einmitt að hugsa svipað þegar ég las þetta.  Það myndi einhver sjálfsagt kalla mig hroka en ég fékk hálfgerðan kjánahroll þegar ég las viðtal við þessa ágætu stúlku sem segir fyrstu kynningarnar vera í móðu, stressið var svo mikið.  Hún var svo spurð hvort það hefði ekki verið gríðarlegt álag að byrja að lesa á laugardagskvöldi en hún sagði af mikilli karlmennsku að það þýddi ekkert að vera velta sér upp úr því, það yrði bara að klára verkið (eða eitthvað í þá áttina).

Mér fannst eins og verið væri að taka viðtal við nýkrýndan heimsmeistara í þungavigt í boxi og hann spurður hvort það hefði ekki verið svakalegt að mæta svona miklum meistara svona snemma á ferlinum en hann hafi sagt að 9. og 10. lota séu í móðu en hann svo bitið á jaxlinn og klárað verkefnið með rothöggi í þeirri 15..