Sendinefndin

Sem betur fer sendi KSÍ menn út til Suður-Afríku til þess að fylgjast með drættinum. Annars hefðu tíðindin aldrei borist hingað til lands.

Það var líka gott að einungis voru sendir þrír menn en ekki kannski þrjátíu. Með svona aðhaldi í rekstri blasir við að minna þarf að sækja í vasa hins almenna launamanns þegar verið er að byggja upp aðstöðu fyrir KSÍ.

Ísland með Hollandi og Noregi

Athugasemdir

[Theódór Norðkvist, 25.11.2007 kl. 17:58]

Sammála. Hefði ekki mátt spara enn meir með því að setja eina eina fartölvu með nettengingu í fangið á blaðafulltrúa frá KSÍ, fylgjast með drættinum á fifa.com og senda síðan þýðingu til fjölmiðla. 5 mínútna verkefni fyrir 16 ára tölvulæsan ungling með enskukunnáttu.

Setja síðan sparnaðinn af flugfari fyrir 3 yfir hálfan hnöttinn og dvöl á hóteli í að byggja upp sparkvelli fyrir yngstu kynslóðina, eða kannski frekar kaupa nokkra Pólverja til að spila fyrir íslenska landsliðið?

[Binni (IP-tala skráð) 25.11.2007 kl. 18:16]

Það senda allar þjóðir út fulltrúar frá sinni þjóð það er ósk fifa.  Það er líka setist niður og talað við þær þjóðir sem eru með okkur í riðli.  Ég veit ekki betur en fifa reddar hóteli fyrir þá sem koma.

[Engilbert (IP-tala skráð) 25.11.2007 kl. 19:08]

Rólegur maður, þessa stundina eru þjóðirnar sem drógust saman að að raða niður leikjunum, FiFA gerir það ekki, þjóðirnar þurfu að ná samkomulagi....það getur verið mikið púsluspil. 

[Guðmundur (IP-tala skráð) 25.11.2007 kl. 22:39]

Menn mega nú ekki fara fram úr sér í vitleysunni. Auðvitað hefðum við getað setið heima og skipt okkur ekkert af þessu en staðreyndin er hinsvegar sú að það er verið að ræða um tugi milljóna hagsmuni, leikdaga, sjónvarp o.s.frv. Það er lágmarkskrafa að menn setji fram málin af sanngirni. Það væri alveg eins hægt að segja að við hefðum ekkert við sendiráð að gera.

[Theódór Norðkvist, 25.11.2007 kl. 23:06]

Hvað er þetta, eru menn of hátíðlegir til að geta séð spaugilegu hliðina á þessu máli. Auðvitað þurftum við að eiga fulltrúa þarna, þetta var meira sagt í gríni. En þökk sé síðustu þremur skrifurum, þá erum við mun fróðari um starfshætti FIFA.

Hvað sendiráð varðar þá hafa margir nefnt að þar væri mikið hægt að spara, með notkun nútíma fjarskipta. Meðan tugmilljóna þjóðir kaupa eða leigja húsnæði í úthverfum höfum við sendiráðin í dýrustu hverfunum. Það er samt önnur saga. 

[Engilbert (IP-tala skráð) 26.11.2007 kl. 08:55]

Jú Jóhann við höfum ýmislegt með leikdagana að gera, það þarf t.d. að passa upp á það að Ísland fái ekki heimaleik í nóvember eða t.d. mars. 

[Oddgeir Einarsson, 26.11.2007 kl. 09:00]

Gott að vita hvernig þetta gengur allt fyrir sig og að við fáum þá að vita niðurröðun leikjanna á allra næstu dögum. En hefði það örugglega minnkað sigurlíkur okkar ef menn hefðu slysast til að setja á leiki hér í nóvember eða mars? Ef svo er þá skil ég alveg að við þurfum að senda 3 menn út til að segja þeim frá veðrinu hérna.