Gleðileg tár

Fasismi ársins 2007 var án efa þegar kráareigendum var bannað að leyfa gestum sínum að reykja. Reykingar á krám skaða engan sem ekki kýs svo sjálfur. Það er enginn grundvallarmunur á því að ganga sjálfviljugur inn í reykfyllt rými og að kveikja sér sjálfviljugur í sígarettu. Það er hinsvegar stigsmunur á þessu þar sem beinar reykingar eru sakaðlegri en óbeinar.

Áhyggjuefni ársins 2007 er hversu reykleysingjar er veikur sem hópur. Hvers vegna gat þessi 90% meirihluti, eða hvað það var, sem ekki vildi reyk inni á krám, ekki fengið kráareigendur til að mæta þörfum sínum án lagaboða, og þannig að enn væru til staka óvígð björg fyrir þá sem meta nautn sína meira en heilsu?

Þögli minnihlutinn þakkar fyrir heimsóknir á liðnu ári og tekur fram að gestir hans mega að honum óforspurðum neyta þess sem þá lystir á meðan á heimsókn stendur.

Gleðileg tár.

Reykingabann í París og Berlín

Athugasemdir

[Marðgeir (IP-tala skráð) 1.1.2008 kl. 23:36]

Rétt er það, Úldni Sveinn! Ég býst við að höfundur þessarar færslu gangi útfrá „frelsi“ hans til að reykja hvar sem er. Málið er að þegar einhver reykir getur hann verið að ganga á réttindi annarra, þ.e. skv. skilgreiningu á frelsi má maður gera hvað sem er svo lengi sem það er ekki bannað með lögum eða skaðar engan annann. Má svo deila um hvort reykingar séu skaðlegar fyrir aðra en mann sjálfan, en ég hallast frekar að því að svo sé. Finn oft til lungnaþembu er reykt er í kringum mig.

[Signý, 1.1.2008 kl. 23:53]

Ég hef nú sjaldan lesið annað eins bull. "beinar reykingar eru sakaðlegri en óbeinar." Í hvaða moldarkofa býrð þú?

smá kvót hér;

"...Þegar sígaretta eða annað tóbak brennur verða til tvær tegundir reykjar, annars vegar reykurinn sem reykingamenn sjúga að sér, kallaður meginreykur (e. main stream smoke), og hins vegar reykurinn sem myndast þegar tóbakið brennur sjálft, hliðarreykur (e. side stream smoke). Reykurinn, sem reykingamenn sjúga að sér, verður til við tiltölulega fullkominn bruna (600-800°C) og inniheldur minna af skaðlegum efnum fyrir vikið. Reykurinn, sem myndast þegar tóbakið brennur sjálft, myndast hins vegar við ófullkominn bruna (um 350°C) og inniheldur því meira af skaðlegum efnum. Meirihluti hverrar sígarettu (og annars tóbaks) brennur upp án sogs og myndar hættulegri reykinn (hliðarreykinn). Reykmengun, sem myndast þar sem reykt er innanhúss, til dæmis á veitinga- og skemmtistöðum, verður því að stærri hluta til úr hinum hættulegri hliðarreyk..."

"...Áratugir eru liðnir síðan menn gerðu sér grein fyrir því að reykingar þungaðra kvenna hafa skaðleg áhrif á fóstur. Styttra er síðan vísbendingar komu fram um heilsuskaða hjá þeim sem ekki reykja sjálfir en búa við tóbaksreykmengað andrúmsloft á heimili eða í vinnu. Fjöldi rannsókna hefur sýnt að óbeinar reykingar geta auk ýmiss konar óþæginda og vanlíðunar valdið mörgum sömu sjúkdómum og hljótast af því að reykja." (undirstrikanir og feittletur by me...)

Ættir kannski að kynna þér skaðsemi reykinga áður en þú blammerar sjálfur

meira um þetta hérna 

tek fram að ég er sjálf reykingamanneskja, svo ekki sé verið að tala um einhvern antireykinga fasisma....

friður! 

[Marðgeir (IP-tala skráð) 2.1.2008 kl. 01:45]

Signý, eitt athyglivert sem ég ætla þó að benda á í sambandi við þetta.

Sá sem reykir er bæði að anda að sér „main stream smoke“ og hinum skaðlega „side stream smoke“ og því hlýtur hann að vera verr settur en sá sem andar bara að sér „side stream smoke“.

Sá sem reykir ekki og verður bara fyrir óbeinum reykingum er því betur settur.

[Oddgeir Einarsson, 2.1.2008 kl. 09:16]

Það er athyglisvert að menn eins og sá sem skrifar undir dulnefninu Úldinn Sveinn skuli sjálfkrafa halda að ég reyki bara af því að færslan mín fjallaði um rétt manna til að bjóða öðrum að reykja í húsakynnum þeirra. Afstaða með frelsi felur ekki í sér að gera sjálfur allt það sem hægt er að gera í ljósi frelsis. 

Þeir sem vilja leyfa hnefaleika þurfa þannig ekki sjálfir að vera ólmir í að fara inn í hringinn og þiggja högg. Á nákvæmlega sama hátt: Þeir sem vilja leyfa kráareigendum að ákveða hvort reykt sé þar inni þurfa ekki endilega sjálfir að vilja fara inn á staðina né reykja þar. 

[Oddgeir Einarsson, 2.1.2008 kl. 09:22]

Marðgeir: Hvað í skrifum mínum gaf tilefni til að álykta svo að ég gengi út frá „frelsi“ mínu til að reykja hvar sem er? Ef rökhugsun er beitt getur það alls ekki verið sú staðreynd að ég teldi óbeinar reykingar illskárri fyrir heilsuna en beinar.

[Mardgeir (IP-tala skráð) 2.1.2008 kl. 13:12]

Thannig ad útgangspunktur thinn er thá: afhverju er kráareigendum ekki bara falid "reykingavald"?

[Mardgeir (IP-tala skráð) 2.1.2008 kl. 13:16]

Merkilegt nokk, Oddgeir, thá var seinna svari mínu beint einungis til Signyjar.