Það fráleitasta af öllu fráleitu

Það kemur engum það við hver er í stjórn fyrirtækis öðrum en eiganda þess. Fyrirtæki eru ekki stofnanir í almannaeigu sem eðlilegt er að stjórnmálamenn véli um hvernig sé stjórnað.

Það fráleitasta af öllu fráleitu í þessu sambandi eru röksemdir í fréttinni um að fyrirtæki með konum í stjórn sé betur stjórnað vegna minni vanskila. Hverjum kemur það við öðrum en eigandanum ef fyrirtæki hans er illa stjórnað af körlum? Tapar hann þá ekki bara í samkeppninni við fyrirtæki sem stjórnað er af konum?

Svona furðulög eins og Norðmenn settu nálgast málið frá öfugum enda. Fáar konur í stjórnum hefur ekkert með fordóma að gera eða mismunun heldur þá staðreynd að konur stofna mun sjaldnar til atvinnurekstrar en karlar. Enda er hin hliðin á peningnum er sú að mun fleiri karlar en konur verða gjaldþrota eftir misheppnaðar tilraunir til atvinnurekstrar.

Kynjakvóti bundinn í lög?

Athugasemdir

[DoctorE (IP-tala skráð) 1.2.2008 kl. 14:09]

Þetta er vanvirðing við konur & menn, þetta er rústun á mannlegum gildum.
Menn framtíðarinnar munu horfa á þetta eins og þeir væru að horfa á eitthvað frá steinöld og munu gapa yfir ruglinu.

[Ólafur Jónsson, 1.2.2008 kl. 14:15]

Gæti ekki verið meira sammála.

[Nanna Katrín Kristjánsdóttir, 1.2.2008 kl. 14:30]

Ég er sammála.  Fáranlegt að gera svona lítið úr konum.  Veit ekki um neina konu sem vill sitja í stjórn afþví hún er kona.

[Sveinn Ólafsson, 1.2.2008 kl. 20:29]

Það er ljóst að hlutverk stjórnanna breytist ef þar er ekki fólk sem eigendurnir vilja helst að séu þar. Þær verða með öðrum orðum valdaminni. Það gerist því að mannskepnan er þannig. Þá má setja ný lög til að bregðast við þessu og þá hefur löggjafinn eitthvað að sýsla.