Fidel Castro

Vissulega frétt en stóra fréttin er hvað taki við. Nær öruggt er að annað hvort taki við 76 ára bróðir hans, Raúl Castro, eða 59 ára varaforsetinn, Carlos Large. Þið getið sveiað ykkur uppá það að Fidel Castro er búinn að hnýta alla hnúta varðandi framhaldið og að stefnan sé sú að viðhalda sósíalisma og einræði í landinu. Vonandi þorir almenningur nú að hafa einhverja skoðun á því hvort lífsgæði þeirra verði þau sömu næstu 50 árin og síðustu 50 ár.

Kastró segir af sér

Athugasemdir

[Vendetta, 19.2.2008 kl. 11:09]

Já, en aðaláhyggjuefnið ætti að vera hvað tekur við þegar kommúnistastjórnin fellur eftir t.d. 10 ár. Því að lengi getur vont versnað. Ef ESB eða Kanarnir skipta sér of mikið af með tilheyrandi spillingu, verður farið úr öskunni í eldinn. Það er ekki sama hvernig haldið er á spilunum og ef útkoman verður eins og á Haïti, þá er víst betra að hafa það eins og nú, þótt slæmt sé. Amk. ganga morðsveitir ekki um drepandi á Cuba í dag, og almenningur deyr ekki úr hungri.

[Oddgeir Einarsson, 19.2.2008 kl. 11:26]

Það er rétt að oft kemur til átaka í kjölfar endaloka alræðisvalds. Ég ætla ekki að dæma um hvort sé betra átök eða alræði enda ómögulegt að vega saman mannslíf, frelsi, kúgun, fátækt ofl. Verð þó að segja að það þarf gríðarlega mikið ofbeldi til að halda saman alræðisvaldi yfir heilli þjóð. Kúbverjum er t.d. ekki frjáls að ferðast. Fangi í klefa þarf ekki endilega að svelta.

[Númi (IP-tala skráð) 19.2.2008 kl. 12:49]

Hverjir eiga þátt í því hvernig komið er fyrir Kúbu,er það Castro,ónei.það er glæpamannanýlendan Bandaríkin.Viðskiptabann sem Bandaríkin komu á er enn í fullu gildi,hugsið ykkur í tæp fimmtíu ár hefir þetta bann verið og margar þjóðir er af kananum sleikja fylgja þeim.Að kenna Castro um þetta er bara vanþekking en ekki ætla ég það eigenda þessarar síðu að vera haldin vanþekkingu á málum hjá félaga vorum FIDEL CASTRO.Legg til að við Íslendingar gerum Kúbu,,núna að okkar vinaþjóð,og styðjum þá ,fyrst við þorðum að sýna kananum að við þyrðum að bjóða þeim birgin þegar við skutum skjólshúsi til handa Fischer sálugum,þá skulum við sýna þeim að við eyjarskeggjarnir á Íslandi styðjum aðra eyjaskeggja á Kúbu.VIVA CASTRO.

[S. (IP-tala skráð) 19.2.2008 kl. 13:01]

Mig langar að leggja til þessarar umræðu að það eru til fleiri leiðir en ,,af eða á".  Það sýndi sig nú greinilega í Rússlandi að ekki er hægt að leggja kommúnisma af á einni nóttu og er það ávísun á verra ástand, eins og V. bendir réttilega á.

Kínverjar hafa gert sér grein fyrir þessu og mér sýnist að þeir séu að spila bara nokkuð vel úr stöðunni.  Það er eðlilegt og viturlegt þroskaferli til lýðræðis að gera hlutina eins og þeir.  Shanghai er t.d. nú þegar farin að líta út eins og hver önnur stórborg á Vesturlöndum ásamt íbúum hennar.  Það er verið að losa um höft mjög rólega en örugglega.  Þeir eru líka búnir að átta sig á því að allir græða á þessum umskiptum, líka valdhafarnir sjálfir.

Kína verður lýðræðisríki innan 100 ára og verður gríðarlega öflugt efnahagslega.  Umskiptin eru það hæg að þau munu heppnast vel og eru þar af leiðandi raunhæf skipting hjá svo stóru ríki úr einræði yfir í lýðræði.  Ég held að það sé ekki hægt að gera þetta hraðar.  Nokkrar kynslóðir og lítil skref í einu.

 Kúba er minni og ætti því að geta þetta á nokkrum áratugum skemmri tíma.

[Oddgeir Einarsson, 19.2.2008 kl. 13:01]

Þetta síðasta hljómar ískyggilega líkt málflutingi Castros. Viðskiptabann hefur ekkert með það að gera að Castro meini fólkinu í landinu að ferðast.

[Ómar Örn Hauksson, 19.2.2008 kl. 13:13]

Ef að lifa á Kúbu er svona hræðilegt heldur þú að það væri ekki löngu búið að gera uppreisn og steypa honum af stóli? Held að íbúar landsins séu aðeins fleiri en her landsins.

Bandaríkin eru aðal ástæða fyrir því hvernig komið er fyrir Kúbverjum.

Ég er nú að vonast til að geta einhvern tíman heimsótt Kúbu áður en gamli maðurinn deyr og áður en Bandaríkin ná fótfestu þar.

[S. (IP-tala skráð) 19.2.2008 kl. 13:27]

Þessi athugasemd Ómars Arnar er alveg hreint hræðilega heimskuleg.  Rökfræði Ómars segir ,,ef ástand í landi verður hræðilegt þá gera íbúarnir bara uppreisn og ástandið verður gott".

Þetta er eiginlega heimskulegra en heimskulegt.

Skv. þessari rökfræðikenningu er ástandið ekki hræðilegt í neinu landi því annars væri:

,,... er svona hræðilegt heldur þú að það væri ekki löngu búið að gera uppreisn og steypa honum af stóli?"

Og ástandið því ekki hræðilegt lengur.  Ómar telur að ef ástandið gæti flokkast sem slæmt í einhverju landi þá geri fólk bara uppreisn og lagi það.  Það leiðir af að þá er ástandið ekki hræðilegt neins staðar í heiminum því þá væri búið að gera uppreisn þar og laga það.

Eitt af því heimskulegasta sem ég hef lesið.

Að gamni má svo velta þessu fyrir sér varðandi þessi ummæli Ómars:

Hvernig komst Castro til valda??

Lagaði hann ástandið??

[Númi (IP-tala skráð) 19.2.2008 kl. 13:28]

Stutt og hnitmiðað hjá Ómari,sammála.   En Oddgeir ertu viss að hann hafi meinað fólki að ferðast,átti fólk aur fyrir ferðlögum,ekki veit ég,en viðskiptabannið sem enn er snertir allan þjóðarbúskap á Kúbu.

[Oddgeir Einarsson, 19.2.2008 kl. 14:25]

Þakka inleggin. Ég held að það sé engum til framdráttar að tala digurbarkalega um vanþekkingu annarra varðandi Kúbu. Fæstir hérna vita eflaust mjög mikið hvað á sér stað þar. Það er þó alveg ljóst að viðskiptabann Bandaríkjanna og að landið sé kommúnískt stuðla bæði að slæmum efnahag. Við slæman efnahag bætist síðan skortur á tjáningafrelsi, ferðafrelsi og fleira sem er algerlega ónauðsynleg afleiðing af einhverju viðskiptabanni. Það er ekki hægt að nota það til að réttlæta brot á eigin þegnum.

Þetta myndskeið er áhugavert:

http://edition.cnn.com/2008/WORLD/americas/02/07/cuba.videos/index.html#cnnSTCVideo

[Hans Haraldsson (IP-tala skráð) 19.2.2008 kl. 16:33]

Þá vitum við það: Kúbverjar hafa það fínt, alveg eins og N-Kóreubúar, annars væri búið að gera uppreisn.

[Númi (IP-tala skráð) 19.2.2008 kl. 18:27]

Áróður frá C N N,sýnist mér.Rétt hjá þér Oddgeir að engin á að tala digurbarklega um vanþekkingu,en hvursu mikið vitum við,þegar fréttir um Kúbu koma einungis frá Bandarískum fréttastofum.Tel að ekki sé hægt að bera saman N-Kóreu og Kúbu Norður Kórea hefir verið algerlega lokað,en ekki Kúba.

[Sindri Guðjónsson, 20.2.2008 kl. 09:20]

http://www.capmag.com/liberty-for-cuba/

[Sindri Guðjónsson, 20.2.2008 kl. 09:29]

Og vegna ummæla hér fyrir ofan um áhrif viðskiptabannsins vil ég benda á að allar þjóðir Evrópu, Asíu og Rómönsku Ameríku eiga viðskipti við Kúbu. Bandaríkjamenn eru eina landið á svæðinu sem er með viðskiptabann gegn Kúbu. Hvers vegna halda menn að eina þjóðin sem hafi eitthvað að bjóða Kúbu sé Bandaríkin?

[Númi (IP-tala skráð) 20.2.2008 kl. 11:24]

Bandaríkjamenn eru með þrýsting á Evrópuþjóðir sem og aðrar þjóðir,viðskiptabannið er margþætt og ekki er það rétt að mikil viðskipti séu á milli Evrópuþjóða og Asíuþjóða,þaug eru meir á milli suður ameríkuríkja og Kúbu.Bandaríkin hafa verið með hótanir til ríkja sem dirfast að hafa viðskipti við Kúbu.

[Sindri Guðjónsson, 21.2.2008 kl. 16:41]

Getur þú nefnt áþreifanleg dæmi um þetta Númi? Hvaða þrýstingi verðum við fyrir af þeim sökum að við flytjum inn vörur frá Kúbu? Hvaða þrýstingi verða verstrænar ferðaskrifstofur fyrir sem selja ferðir til Kúbu? (Spyr sá sem ekki veit)

[Oddgeir Einarsson, 22.2.2008 kl. 07:55]

Sælir Númi og Sindri,

Leyfi mér að koma með þetta innlegg af Wikipedia um samsetningu innflutnings og útflutnings til og frá Kúbu. Samkvæmt þessu eru það einmitt Evrópu- og Asíulönd sem bera uppi viðskiptin gagnstætt því sem Númi hélt fram.

ExternalExports$2.956 billion f.o.b. (2006 est.)Main export partnersNetherlands 22.8%, Canada 20.6%, China 7.7%, Russia 7.5%, Spain 6.4%, Venezuela 4.4% (2005)Imports$9.51 billion f.o.b. (2006 est.)Main import partnersGermany 14.1%, U.S. 8.7%, France 8%, Netherlands 7.2%, Belgium 5.5%, Italy 4.9%, the People's Republic of China 4.1%, Ireland 4% (2005)Gross External Debt{{{gross external debt}}}

[Sindri Guðjónsson, 23.2.2008 kl. 20:59]

Athyglisvert. Wikipedia er frábært fyrirbæri.

[Steingrímur (IP-tala skráð) 24.2.2008 kl. 12:46]

Það eru merkileg rök að sýna prósentutölur til að sýna að Kúba eigi mikil viðskipti við önnur lönd! Bandaríkjamenn leyfðu útflutning á matvælum og lyfjum til Kúbu árið 2000 í mannúðarskyni.  Þetta gera heil 8,7% af innflutningi til Kúbu!

Staðreyndin er sú að viðskiptabann bandaríkjanna við Kúbu er það viðamesta sem nokkurn tíma hefur verið haldið uppi.  Sem dæmi um framkvæmd þess má nefna að skip sem fara til hafnar í Kúbu mega ekki koma til Bandaríkjanna í sex mánuði þar á eftir - menn geta ímyndað sér hversu mörg skemmtiferðaskip vilji koma við á Kúbu með svoleiðis aðstæður!

Bandarískum fyrirtækjum er óheimilt að eiga viðskipti við erlend fyrirtæki sem aftur eiga viðskipti við Kúbu (fyrir utan mat og lyf, sbr. að ofan).  Þ.e. ef ég á fyrirtæki sem selur ferðir til Kúbu - (eða bíla, föt o.s.frv.) þá get ég ekki selt ferðir til bandaríkjanna!   Eins og með skemmtiferðaskipin þá held ég að fá fyrirtæki velji þá leið nema eitthvað annað komi til!

Svo verða menn líka að horfa til þessa:  Kastró og Che ætluðu sér aldrei að stofna svona kommúnískt ríki eins og raunin varð - þeir ætluðu sér miklu frekar sócíaldemókratískt ríki sambærilegt við Ísland og norðurlöndin.  Það var ekki fyrr en þeir neyddust til að snúa sér að Sovétríkjunum sem uppreisnin tók þá stefnu - þ.e. eftir að Bandaríkin lokuðu á Kúbu - sem höfðu áður verið með yfir 90% viðskipta!

Þannig að reynið ekki að segja að viðskiptabann Bandaríkjanna hafi ekki haft meiri áhrif á örlög kúbversku þjóðarinnar en stefna Kastró!

[Oddgeir Einarsson, 24.2.2008 kl. 15:31]

Steingrímur: Hvar í textanum mínum kemur fram að tölurnar hafi átt að sýna mikil viðskipti við önnur lönd? Textinn var settur vegna þess að því var haldið vram að viðskipti Kúbu væru meiri við önnur S-Ameríkulönd við Evrópu- og Asíulönd.

---

Main export partnersNetherlands 22.8%, Canada 20.6%, China 7.7%, Russia 7.5%, Spain 6.4%, Venezuela 4.4% (2005)

Main import partnersGermany 14.1%, U.S. 8.7%, France 8%, Netherlands 7.2%, Belgium 5.5%, Italy 4.9%, the People's Republic of China 4.1%, Ireland 4% (2005)

[Steingrímur (IP-tala skráð) 24.2.2008 kl. 21:52]

Ég biðst afsökunar á því, Oddgeir.  Mér fannst hins vegar aðalrökin hjá þér vera þau að þrátt fyrir viðskiptabannið væri bara bullandi viðskipti við Kúbu og að viðskiptabannið hefði bara engin áhrif...  Reyndar er ég ekki viss um að þessar tölur segi allt - t.d. er samningur við Venuzúela um að Venuzúela skaffi Kúbu olíu gegn heilbrigðisþjónustu - ég er ekki endilega viss um að það skili sér inn í prósentutölur.

Það er líka rétt að ég leiðrétti mig aðeins.  Viðskiptabannið gagnvart erlendum aðilum sem skipta við Kúbverja tekur að mestu til "fyrrverandi" eigna bandaríkjamanna á Kúbu.  En ég átta mig ekki alveg á því hvernig ég á að átta mig á því hver átti hvað fyrir 50 árum.

Kanadamenn brugðust við á snilldarhátt - þeir lögðu fram frumvarp sem bannaði kanadamönnum að eiga viðskipti við aðila í bandaríkjunum sem byggðu á eignum sem konungssinnar urðu að hverfa frá við frelsisstríðið 1776 eða svo!

[Oddgeir Einarsson, 25.2.2008 kl. 09:41]

Ekkert mál Steingrímur,

Ég sagði hér að ofan: „Það er þó alveg ljóst að viðskiptabann Bandaríkjanna og að landið sé kommúnískt stuðla bæði að slæmum efnahag.“

Ég get ómögulega dæmt um hvort hafi haft verri áhrif, kommúnisminn eða viðskiptabann USA en veit þó um leið til slá tvær flugur í einu höggi hvað þetta varðar og gefa þessu blessaða fólki von um skárra líf.