Vísindaskáldskapur

Ég las vísindaskáldsöguna The Trancendence eftir Steven Baxter um daginn þar sem mannkynið hafði þróað með sér þann eiginleika að deyja ekki ellidauða. Þar voru hnettir Vetrarbrautarinnar fullir af fólki sem var einhver hundruð þúsunda ára gamalt. Í þeim heimi var gríðarlegri orku varið í að fyrirbyggja hina ólíklegustu hluti í bókstaflegri merkingu. Meðal annars voru geysiöflug vopn til að eyða loftsteinum og halastjörnum.

Ástæðan fyrir því að menn munu ekki leggja í gríðarlegan kostnað af svona aðgerðum er í fyrsta lagi sá að stjarnfræðilega litlar líkur eru á að svona hendi á lífstíð nokkurs einstaklings eins og mannkynið er í dag. Einstaklingum hættir til að hugsa fyrst og fremst um eigin velferð og allra nánustu niðja og þess vegna er ekki miklum lífsgæðum fórnað í að byggja svona varnir. Í öðru lagi þá myndi fólk í dag tapa mun færri væntum ólifuðum árum en þeir sem t.d. myndu ekki deyja ellidauða og því ekki hundrað (milljón ára) í hættunni ef lofsteinn bankaði upp á á morgun. 

Ef planið er að bjarga mannkyninu frá mögulegri útrýmingu væri eflaust ódýrara og öruggara að vinna að því að koma upp sjálfbærri mannabyggð á tunglinu eða mars í stað þess að treysta á að einhver ofurvopn bjargi okkur frá hverskonar loftsteinum eða halastjörnum. Ég legg til að menn sýni smá metnað í þessu!                          

Komið verði í veg fyrir árekstur smástirna

Athugasemdir

[Sævar Guðmundsson (IP-tala skráð) 4.12.2008 kl. 17:35]

Fyrst þú ert kominn í vísindaskáldskapinn mæli ég með að þú fléttir hann saman við frjálshyggjuna. Mæli t.d. með bókinni The Moon Is a Harsh Mistress eftir Robert Heinlein sem skrifaði Starship Troopers. Í henni gera hinir undirokuðu tunglbúar uppreisn gegn ríkisvaldinu á jörðu niðri.

Hún er til hérna ef þú vilt hana.

SG

Quotes:

"That we were slaves I had known all my life— and nothing could be done about it. True, we weren't bought and sold— but as long as Authority held monopoly over what we had to have and what we could sell to buy it, we were slaves."

"Do this. Don't do that. Stay back in line. Where's tax receipt? Fill out form. Let's see license. Submit six copies. Exit only. No left turn. No right turn. Queue up and pay fine. Take back and get stamped. Drop dead— but first get permit."

"Comrades, I beg of you – do not resort to compulsory taxation. There is no worse tyranny than to force a man to pay for what he does not want merely because you think it would be good for him."

[Sverrir Ari Arnarsson (IP-tala skráð) 5.12.2008 kl. 17:14]

Ég er alveg sammála þér að þessu máli verði að sýna metnað. Hinsvegar er það ekki rétt að ódýrara sé að koma upp sjálfbærum mannabústöðum annarstaðar í geimnum en sjálf eyðilegging smástirna.

Nú þegar eru til nokkrar leiðir sem unnið er að fullkomna. Til dæmis er Evrópska geimferðastofnunin ESA að vinna að verkefni sem kallast Don Quijote:  http://www.esa.int/SPECIALS/NEO/SEMZRZNVGJE_0.html sem gengur út á það að skjóta geimfari að smástirni (eða NEO, near earth astroid) svo það sveigi út af braut sinni með þeim afleiðingum að það rekist ekki á jörðina. Fleiri leiðir eru færar eins og að senda stórt mannlaust geimfar alveg að smástirninu og á löngum tíma dregur geimfarið með aðdráttarafli sínu smástirnið af braut.

Engin ofurvopn þarf til þessa verkefnis heldur hugvit og þekkingu. 

[Huxi (IP-tala skráð) 7.12.2008 kl. 22:36]

Það er ljóst af skrifum þínum að þú ættir að halda áfram að tilheyra hinum þögla minnihluta... Og þá aðallega þögla hlutanum...

Kveðja Huxi.

[Oddgeir Einarsson, 8.12.2008 kl. 10:19]

Takk piltar,

Sævar: mun áreiðanlega nálgast þessa bók

Sverrir: Já ég held að það sé rétt hjá þér að sjálfbær mannabygð á öðrum plánetum sé ekki ódýr. Hins vegar er sú leið tryggari ef eyðilegging smástirnis myndi ekki takast í einhverju tilviki.

Huxi: Takk fyrir að lesa bloggið mitt og meta það nógu mikils til að verja (vonandi) dýrmætum tíma þínum í athugasemd.