Tengslafréttir

Mér finnst alltaf athyglisvert að sjá fréttir um að þetta og hitt auki líkur á þessu og hinu.

Oft er um að ræða þætti sem ekkert orsakasamband er á milli og því fremur að ræða fylgni framur en orsakatengsl.

Ég held t.d. að fullyrðingin í fyrirsögninni í þessari frétt sé röng. Ef allir lifnaðarhættir einstalkings eru nákvæmlega eins fyrir utan einsemdina þá held ég að það auki ekki líkur á krabbameini. Líklega er fréttin sú að það sé algengara að einmana fólk lifi þannig lífi að það auki líkur á krabbameini en fólk sem ekki er einmana.

Einsemd eykur líkur á krabba

Athugasemdir

[Jóhannes (IP-tala skráð) 8.12.2009 kl. 15:06]

Þetta voru rottur

[S. (IP-tala skráð) 11.12.2009 kl. 23:05]

Já, deili þessu með þér Oddgeir, fæ stundum á tilf. þegar les þessar fyrirsagnir og fréttir að skynsemi og almenn greind séu á verulegu undanhaldi.  Þetta fjallar einmitt um rottur, svona til þess að auka enn á fjarlægð við orsakatengsl. Svo er líka talað um streitu sem orsakavald í mönnum, en ,,streita" er notað þegar læknar vita ekkert hvað þeir eiga að segja.  Hún er orsök alls ills og aldrei sé ég skilgreint hvað er streita.  Henni má hins vegar kenna um allt.  Það er líka einhver tenging milli þunglyndis segir þarna og krabbameins, þannig að þeir sem eru einmana séu þá þunglyndir vegna þess og þá geti það aukið hættu á krabbameini.  Hins vegar er því alveg ósvarað hvort þarna sé búið að snúa orsök og afleiðingu við, þannig að þeir sem byrja að mynda krabbamein verði í kjölfarið þunglyndir, t.d. vegna boðefnatruflana í heila, eða eitthvað slíkt.

Það segir reyndar þarna að vitað sé að þunglyndum ,,gangi verr að berjast við krabbameinið".  En þarna getur krabbameinið auðvitað allt eins verið orsök þunglyndisins en ekki afleiðing, þar sem það er jú ekki gaman að vera með krabbamein.  Þannig koma margir slíkir möguleikar til greina.  Ég er svo innilega sammála þér, þessar fáránlegu fréttir segja manni nákvæmlega ekki neitt, eru 0 gráður upplýsandi og/eða fræðandi.