Frjálshyggjan sem allt drap

Ef marka má órökstutt orð leiðtoga stjórnarflokkanna þá er frjálshyggjan upphaf og endir alls ills í samfélaginu. Það hefur líklega verið það baráttumál frjálshyggjumanna að einkafyrirtæki beri sjálf ábyrgð á eigin skuldbindingum og að hvers kyns ríkisstuðningur, þ. á m. ríkisábyrgð á skuldbindinum sé óréttmætur.

Ríkisstofnanir á þingi

Ríkið styrkir stjórnmálaflokka eftir því sem þeir hafa fleiri stuðningsmenn.

Ef þú ert ósammála meirihluta landsmanna í pólitík þá þarft þú með sköttum að borga fyrir framgang skoðanna meirihlutans en meirihlutinn þarf hvorki að leggja krónu fyrir framgang þinna skoðanna né fer ein skitin króna af þínu eigin skattfé í þágu þess sem þú aðhyllist.

Þetta var samþykkt á Alþingi og frjálshyggjumenn gagnrýndu það. Man einhver eftir gagnrýni frá öðrum?

Réttlæti, lýðræði og kjaftæði

Í kjölfar bankahrunsins var mikið talað. Sumir fóru út á götu og hrópuðu slagorð um lýðræði, réttlæti og kjaftæði.

Þetta stigmagnaðist. Orðin urðu stærri, brotnu rúðunum fjölgaði og atlögurnar að byggingu Alþingis urðu beittari. Allt féll þó í dúnalogn þegar Vinstri grænir komust í ríkisstjórn með samfylkingunni.

Nú er orðið talsvert síðan einhver annar en Ástþór Magnússon talaði um lýðræði og því gæti verið farið að fenna yfir öll slagorðin um það atriði. Vekur það mikla athygli að í allri umræðunni virðist lítið sem ekkert hafa verið minnst á þá staðreynd að atkvæði kjósenda á höfuðborgarsvæðinu hefur allt að helmingi minna vægi en atkvæði kjósenda sem búa annars staðar á landinu.

 

Hversu brýn er ESB aðild að mati Samfylkingarinnar?

Áhugavert verður að sjá hvort að Samfylkingin geti sætt sig við að bíða í meira en 4 ár eftir að mögulegur aðildarsamingur við ESB verður fullgiltur.

Ef koma á íslandi í ESB á minna en 4 árum þarf að breyta stjórnarskránni til þess þarf að afsal á fullveldisrétti verði lögmætt. Til að breyta stjórnarskránni þarf bæði núverandi Alþingi og hið næsta að samþykkja breytingarnar. Það þýðir að rjúfa þarf þing og boða til nýrra elþingiskosninga eftir að búið verð að samþykkja breytingarnar um ESB og fullveldið á Alþingi.

Nú verður fróðlegt að sjá hvort Samfylkingin telji ESB aðild vera mikilvægari en áhættan af því að missa völd í landinu. Það, hvort Samfylkingin sýni í verki að hún stefni á aðild sem fyrst eða ekki svarar þeirri spurningu.

Elítan vill í ESB

Hvað er fréttnæmt?

Það er merkilegt að í íslenskum fjölmiðlum fæst varla umfjöllum um þá staðreynd að forsætisráðherrann treystir sér nær aldrei til að ræða við erlenda aðila nema óbeint í gegnum frétt um að þetta þyki fréttnæmt í öðrum löndum.

Vonandi verður martröð Samfylkingarinnar um að við „einangrum okkur frá umheiminum“ ekki að veruleika.

Þögn Jóhönnu til umræðu í Færeyjum

Hvort kynið á auðveldara með að komast áfram í stjórnmálum?

Hvað skyldi hátt hlutfall af körlum sem eru virkir í stjórmálastarfi vera á framboðslistum samanborið við hlutfall kvenna sem eru virkar í stjórnmálastarfi. Það svarar væntanlega spurningunni um hvort kynið eigi auðveldari framgang í stjórnmálum.

Færri konur á framboðslistum

Góð aðferð

Ekki er ég neinn Borgarahreifingarmaður þótt það gleðji örlítið að bókstafurinn O fái loksins uppreisn æru.

Það sem gleður meira er að sjá fólk sem er ósátt við ríkjandi stjórnmálaöfl beita lýðræðislegum aðferðum í stað ofbeldisaðgerða á borð við mannasaurskast og skemmdarverkum eins og beitt var til að koma síðustu ríkisstjórn frá völdum. 

O-listi fengi fjóra

Frumvarp um útgjöld?

Ef ráðherra á að geta lokað lögmætri atvinnustarfsemi fyrirvaralaust vegna þess að veiðar hafi neikvæð áhrif á heildarhagsmuni þjóðarinnar þá blasir við að fyrirtæki munu í einhverjum tilvikum tapa gríðarlegum fjármunum á slíkum ákvörðunum og ekki geta staðið við gerða samninga. Það mun mögulega leiða til þess að viðkomandi aðili fer í skaðabótamál við ríkið á þeim grundvelli að ákvörðunin hafi verið ólögmæt. Í slíku dómsmáli myndi ráðherra væntanlega þurfa að sýna fram á að „heildarhagsmunum þjóðarinnar“ væri ógnað. Gaman væri að sjá hvort að Hæstiréttur gerði ekki einhverjar kröfur bæði til þess að lög sem skertu atvinnufrelsi séu skýr og einnig að sýnt sé fram með ótvíræðum hætti að lagaskilyrðum slíkrar skerðingar sé fullnægt. Þannig tel ég að ákvörðun um að stöðva veiðar vegna þrýstihópa (sem væntanlega munu láta mikið í sér heyra vitandi af hemild ráðherra) væri til þess fallin að valda ríkinu skaðabótaábyrgð. Þetta er þó erfitt að meta fyrr en lagafrumvarpið og orðalag þess liggur fyrir. 

Ráðherra geti stöðvað veiðar