Ég mótmæli allur!

Það er engin réttlæting fyrir því að banna hvalveiðar umfram aðrar veiðar sem ekki leiða til útrýmingar.

Ef það leiðir til einhverra króna taps að Vesturlandabúar, heilaþvegnir af pólitískri rétthugsun, hætta við að eyða aurum hérna, þá er það vel þess virði til þess að Íslendingar geti verið útverðið heilbrigðrar skynsemi í þessu máli.

Síðan ítreka ég það sem ég hef sagt að það er fráleitt að gera það að skilyrði fyrir atvinnurekstri að einkaaðili sanni fyrst að hann geti hagnast á framtaki sínu, eins og Einar K. gerir að skilyrði fyrir því að leyfa hvalveiðar.

Ég vona að Einar K. njóti breska axlarklappsins.

Bretar fagna yfirlýsingu sjávarútvegsráðherra um hvalveiðar

Hvernig hafa þessi 10% bandaríkjamanna það?

Það vantar grundvallaratriði málsins í fréttina, hvernig bandaríska hagstofan skilgreinir fátækt.

Skilgreiningin ræður úrslitum um hvort 10% fátækasti hlutinn sé kallaður, fátækur, illa launaður eða moldríkur. Mig minnir allavega að það séu til a.m.k. tveir mælikvarðar á það sem kallað er fátækt í heiminum.

Til að komast að því hvort fátækt bandaríkjamanna sé algengari en meðal annarra þjóða þyrfti síðan að nota sömu skilgreiningu á fátækt á önnur lönd.

Ríflega tíundi hver Bandaríkjamaður býr við fátækt

Hvaladráp af hugsjón

„Treglega hefur gengið að selja hvítlauksbrauð í verslunum undanfarið. Ríkisstjórnin hefur því bannað framleiðslu á íslensku hvítlauksbrauði þar til markaður fyrir hvítlauksbrauð opnast að nýju. Verði banninu ekki komið mál liggur fyrir að framleiðendur munu halda áfram að framleiða heilu fjöllin af hvítlauksbrauði. Ríkisstjórnin segir framleiðendurna ekki tengja framleiðsluna á neinn hátt við sölu á vörunni heldur muni þeir framleiða til eilífðarnóns verði þeim ekki bannað að gera það“.

Ofangreind „frétt“ lýsir þeim fáránleika að banna atvinnustarfsemi sem ekki er arðbær. Það hendir enginn peningum í að framleiða vöru - AF ÞVÍ BARA. Með því að banna hvalveiðar á þeim grundvelli að ekki sé markaður fyrir kjötið er verið að gera því í skóna að hvalveiðimenn séu að drepa hvalina af einhverri undarlegri hugsjón en ekki til þess að skapa tekjur.

Hafa verður í huga að hvalkjöt er vara sem margir hafa ekki séð í langan tíma og það getur því tekið tíma að skapa nægilega eftirspurn til að hægt sé að tala um að markaður sé fyrir vöruna. Það gerist ekki á meðan varan er enn bönnuð og neytendur venja sig á aðrar vörur.

Einar K. hefur oft mælt viturlega um að það eigi að fara eftir vísindalegum staðreyndum en ekki rangfærslum áróðursmanna þegar ákvörðun er tekin um hvalveiðar. Ef vísindin segja að engin útrýningarhætta sé af veiðunum á að leyfa þær með sama hátt og fiskveiðar og hvítlauksbrauðsframleiðslu og láta framleiðendurna hafa áhyggjur af því að hagnast eða hætta starfsemi.

Ákvörðunin um að banna í raun tekin út frá einhverjum almannatengslaástæðum en átyllan er skortur á markaði.

Nýsjálendingar fagna ákvörðun um hvalveiðar

andrúmsloftið á veðurstofunni: hluti 2

[því miður er caps lock hnappurinn enn bilaður síðan ég skrifaði síðustu færslu - biðst velvirðingar á því]

þær fréttir voru að berast af veðurstofustjóranum frá því í síðustu færslu að hann sé dottinn í mikið þunglyndi vegna þess að farið sé að hausta. Nú horfir hann á sjónvarp og drekkur með því öl á hverjum degi.

hann kíkir sem sagt alltaf bæði á sjónvarpsdagskránna og sjónvarpsdagskránna.

Dramatíkin á veðurstofunni

[caps lock lyklaborðs míns er bilaður þannig að þessi færsla er aðeins með litlum stöfum - biðst velvirðingar á því]

eins og fjallað hefur verið um í fjölmiðlum er andrúmsloftið á veðurstofu íslands rafmagnað. er það ekki síst að rekja til vonbrigða með veðrið sem verið hefur í kjölfar góðviðrisins sem kom óvænt í sumar.

til að drekkja sorgum sínum og hrista hópinn saman ákváðu starfsmenn veðurstofunnar að fá sér drykk saman eftir vinnu í gær á einni af knæpum borgarinnar.

Aðeins einn staður kom til greina til að forstjórinn fengist með í förina, veðurbarinn. 

Stóra litla ísskápsmálið

Eftir að yfirvöld boluðu dagdrykkjumönnum úr Keisaranum við Hlemm með því að kaupa staðinn og loka honum og síðan úr Kaffi Austurstræti með því að veita staðnum ekki tilskilin leyfi hefur eflaust fjölgað eitthvað fólki sem sötrar á götum Reykjavíkur. Síðan úthlutuðu yfirvöld heimilislausum mönnum húsnæði í göngufæri við vínbúðina, í Austurstræti þ.e. í Njálsgötu.

Í þessari vínbúð er lítill ísskápur að baka til þar sem maður hefur getað gengið að köldu hvítvíni vísu og stundum reyndar fengið bjór undir stofuhita. Ég dreg í efa, svo ekki sé fastar að orði kveðið, að ástæðu þess að óreglufólk er í miðbænum sé að rekja til þessa litla kælis. Hvaða hópur ætli það sé sem hitastig bjórs hefur mest áhrif á? Ætli dagdrykkjumenn götunnar streymi nú inn á Kaffi París og panti sér ískalda bjóra í glasi á 600?

Borgarstjórn (þ. á m. borgarstjórinn) hefur margs konar valdheimildir. Valdheimildirnar ráðast af lögum. Meðal annars hefur borgin vald til að ákveða hvort heimili óreglumanna sé staðsett í miðbænum eða ekki. Borginni, hvað þá borgarstjóranum, hefur hins vegar ekki verið falið að fjalla um þjónustu ríkisstofnanna á borð við ÁTVR. Skoðanir Vilhjálms Þ. Vilhjálmssonar á því hvernig þjónustan eigi að vera eru því einungis skoðanir eins almenns borgara af mörgum og eiga ekki að hafa meiri áhrif en skoðanir annarra.

Þess vegna var fráleitt hjá ÁTVR að fjarlægja litla ísskápinn að beiðni Vilhjálms.

Kælirinn fjarlægður úr vínbúðinni í Austurstræti

Tvennt mér óskiljanlegt um hvalveiðar

Það er tvennt varðandi hvalveiðar sem ég fæ seint skilið.

Annars vegar var það þegar Paul Watson sökkti hvalveiðiskipum árið 1986 að mig minnir. Mér finnst eins og ég hafi alltaf heyrt talað um að hann hefði verið sendur úr landi í kjölfarið. Af hverju var hann ekki ákærður fyrir eignaspjöll? Vinsamlegast segið mér þessa sögu ef þið kunnið.

Hins vegar eru það rök sem stundum heyrast um að það verði að vera til markaður fyrir hvalkjöt til þess að ástæða sé til að leyfa hvalveiðar. Hvað ef fólk hætti alveg að kaupa mysu, yrði mysa þá bönnuð með lögum í kjölfarið?

Watson segist áfram vera í viðbragðsstöðu

Snyrtivörur karla

Pant vera fordómafullur, gamaldags og af eldri kynslóðinni varðandi snyrtivörur karla. Þó svo Beckham hafi spilað með Manchester United þá er hann því miður ekki alvöru karlmaður. Það er af því að hann hagar sér eins og kona. Og síðan nenni ég ekki að hlusta á eitthvað nöldur yfir þessari færslu.

Karlmenn eyða meira í snyrtivörur en áður

Gott?

Eins og fréttin er sett upp lítur út eins og einhver sem þekki son hennar hafi verið að skoða þessa rússnesku barnaklámssíðu.

Foreldrar fullir viðbjóðs

Furðulegt!

Skrýtið með internetið. Flestir tónlistarmenn geta notað það án vandræða en tónlist Bítlanna verður fáránleg á iTunes.

Tónlist Lennons verður fáanleg á iTunes