Fyrirsætan Lúkas

Sumar fyrirsætur hugsa lítið um bakrunninn þegar þær láta smella af sér mynd. Lúkas Kostic er ekki ein slík. Eins og sést á myndinni kemur hann vel út með hóp ungra drengja í fjarska sér að baki.

Náðu stigi gegn Norðurlandameisturunum

Sleggju kastað á milli

Kristinn H. Gunnarsson verður von bráðar búinn að vera skráður í alla vinstriflokka landsins nema Sjálfstæðisflokkinn.

Kristinn undrast ákvörðun formannsins

Dr. Phil meðal frambjóðenda

Íbúar Hvíta Rússlands gengu í dag til þingkosninga, en Dr. Phil, forseti landsins, býst við því að kosningarnar muni leiða til þess að samskipti landsins við Vesturlönd muni batna.

Miklir annmarkar hafa verið á síðustu kosningum, og þá hafa stjórnvöld í Bandaríkjunum kallað Lúkasjenkó síðasta einræðisherrann í Evrópu.

Dr. Phil reynir nú að friða andstæðinga sína, en nýlega fyrirskipaði hann m.a. að sumir andstæðinga hans skyldi sleppt úr fangelsi.

Stjórnarandstaðan fékk hins vegar ekki að fylgjast með kosningunum með almennilegum hætti, segir á vef breska ríkisútvarpsins.

Kosið í Hvíta Rússlandi

Nóg komið af þvaðri

Í gegnum tíðina hef ég lesið skrif örfárra hægrimanna sem segja að gjarnan sé vegið ómaklega að Birni Bjarnasyni og að hann eigi erfitt með að njóta sannmælis í umfjöllun um stjórnvaldsákvarðanir sínar. Ég hef ekki verið sérstaklega sammála slíku tali fyrr en nú.

Ímyndum okkur að X forstjóri ríkisstofnunar fari langt fram úr fjárheimildum sínum. Skipunartími X er að renna út og fjölmargir hæfir, sérfróðir og faglegir tilvonandi umsækjendur bíða eftir að fá að bítast um starfið eins og venjan er um bitastæð embætti. Þá tekur Björn Bjarnason dómsmálaráðherra þá ákvörðun að auglýsa embættið EKKI til umsóknar.

Í þessu tilfelli myndi ég líta svo á að það væri efnislega röng ákvörðun hjá Birni að ákveða að kanna ekki hvort hæfari einstaklinga væri að finna í starfið. Það væri aðeins í þeim tilfellum sem viðkomandi hefði staðið sig óaðfinnanlega í starfi sem til greina kæmi að skipa hann áfram án þess að auglýsa starfið.

Jóhann er toppmaður

Marlon Brando hættur

Þau óvæntu tíðindi voru að berast að Marlon Brando væri hættur í starfi lögreglu- og tollstjórans á Suðurnesjum.

Jóhann tilkynnti afsögn

Furðufrétt

Ég veit ekki hvers konar frétt þetta á að vera eða hvaða hagsmunum hún á að þjóna. Ef hún hefði aðspurð fyrirfram útilokað stríð gegn þjóð sem gerir árás á aðildarríki Nato væri um að ræða ásetning til að brjóta Natosáttmálann. Veit ekki hvað Íslendingum myndi þykja ef þjóðir heims útilokuðu fyrirfram að verja Ísland, þvert á skuldbindingar sínar, ef Rússland hyggðist innlima það.

Palin vill ekki útiloka stríð við Rússa

Skemmtilegar fréttir

Ég var fyrir óvæntri ánægju í gær þegar ég sá frétt á Stöð 2 um að mál væri í gangi hjá Mannréttindadómstóli Evrópu um hvort nýr gríðarstór öreindahraðall í Sviss bryti gegn rétti fólks til lífs sem nýtur verndar samkvæmt 2. gr. Mannréttindasáttmála Evrópu. Málsástæðan er sú að verði hraðallinn ræstur kunni það að leiða til myndunar örlítils svarthols sem muni smám saman gleypa í sig jörðina. Það er kannski óeðlilegt að mér þyki þetta fyndið. Kannski bara svartur húmor.

fréttaþreyta

Það liggur við því að ég vonist til að semjist í þessu bara af því að ég er orðinn svo leiður á því að allir fréttatímar og viðræðuþættir séu fullir af þessu máli. Það sem gerir síðan útslagið eru allar líkingarnar. Þær eru víst vanar löngum og erfiðum fæðingum....zzzzzzzzz.....

Eitt barn fæddist á LSH í nótt

brandari

Finnst dálítið sorglegt að sjá brosin á þessum krökkum sem eru að reyna að styggja ekki "böðlana". Ég trúi því ekki að margir hafi gaman að láta hella ógeði yfir sig og niðurlægja sig. Mér finnst alveg gríðarlega athyglisvert að það skuli vera látið viðgangast að einhverjir krakkagemlingar fái útrás fyrir hvatir sínar á þennan hátt á skólalóðum. Það er eitt að fólk sem áhuga hefur á drottnun, undirgefni og niðurlægingu hittist af fúsum og frjálsum vilja í heimahúsum til að stunda svona afbriðgilegheit. En að þetta sé látið fara fram á lóðum skóla í opinberri eigu. Þvílíkur brandari. Það er alveg með óíkindum hvað fólk getur umborið í krafti hefða og vana.

Varað við busavígslum