Kynjamismunun á salernum?

Ég hef stundum tekið eftir því að þar sem boðið er upp á sérstakt salerni fyrir hvort kyn þá er karlasalernið oft minna en kvennasalernið. Ekki hef ég í eitt sinn tekið eftir stærra karlasalerni.

Samkvæmt skilgreiningum sumra á jafnrétti þá er þetta kynjamismunun. Ég er því ósammála.

Annars ætti ég að fara að hætta þessu þar sem það er eflaust illa séð að karlmaður sé að kíkja inn á kvennasalerni.

 

Athugasemdir

[Bergrún Íris Sævarsdóttir, 25.4.2007 kl. 12:02]

Þú hefur þá kannski ekki tekið eftir því að í Kringlunni, Smáralind og mörgum fleiri stöðum er kvennasalernið alltaf lengra í burtu en karlasalernið. Skiptiaðstaða fyrir börn eru einnig nær oftast á kvennasalerninu þannig að kona/karl með barn sem þarf að skipta á þarf að labba lengst inn ganginn með barnið.

 Annars get ég bent þér á að salerni á skemmtistöðum eru oft þannig að kvennasalernin eru mun færri og töluvert minni (til dæmis á hverfisbarnum).

[Oddgeir Einarsson (IP-tala skráð) 25.4.2007 kl. 15:14]

Takk fyrir þetta Bergrún. Ég tel mjög brýnt að taka þessa klósettumræðu :) Mín reynsla er aðallega fengin af veitingahúsum þar sem karlasettið er oft minna.

Annars var ég aðallega að hnýta í rangar skilgreiningar á jafnrétti með því að taka þetta upp. Hvorki karlar né konur eiga að hafa rétt á því að klósett sem einkaaðilar bjóða séu nákvæmlega jafn stór.