Landbúnaðarkosningarnar 2011

Enginn stjórnmálaflokkur þorir eða vill gera neitt í landbúnaðarmálum á næsta kjörtímabili ef marka má kosningabaráttuna nú.

Kosningarnar 2011 munu ráðast af stefnu í landbúnaðarmálum. Einungis er raunhæft að Sjálfstæðisflokkur eða Samfylking taki af skarið hér. Milljarðar fara úr ríkissjóði í landbúnaðarstyrki o.fl. á ári hverju. Hér er gullið tækifæri til þess að draga úr útgjöldum ríkisins án þess að nokkur vinstrisjónarmið þurfi að koma í veg fyrir það.

Það ræðst einfaldlega af því hvort Samfylkingin eða Sjálfstæðisflokkurinn verði fyrri til að móta skýra og róttæka stefnu í þessum málum hvor flokkurinn sigri kosningarnar 2011.

Það þarf bara kjark til að segja bændum að menn ekkert ætla að vera að vinna bæði að sérhagsmunum þeirra og hagsmunum almennings á sama tíma. Engum verði hinsvegar bannað að styrkja bændur af fúsum og frjálsum vilja, telji þeir brýna nauðsyn á.

Athugasemdir

[Ingi Björn Sigurðsson, 7.5.2007 kl. 18:56]

Ég er sammála þér,  þekki engan sem er ánægður með þetta kerfi  hvorki bændur  né neytendur.  Ef hugmyndir eru viðraðar um breytingar þá kemur hver á fætur öðrum og segja að viðkomandi séu að ráðast á bændastéttina, vilji leggja sveitir landsins í eyði og svo framvegins. Einhvern tíma reiknaði ég út að ef bændurnir fengju styrkina beint þá næmu yrðu þeir um 350 þúsund á mánuði og í ofan á lag gætu þeir framleitt matvöru á frjálsum markaði í samkeppni við innfluttar afurðir. 

Reyndar eru önnur stórmál sem má ekki ræða í kostningum, ég get ekkert séð að það sé neitt um varnarmál hjá neinu framboði. Veit einhver hver stefna Íslands er í varnarmálum? Hverjar varnarþarfi Íslands? Við hverja á semja og hvað meiga þeir samningar kosta? Á þetta kannski að vera einkamál embættismanna? 

Eins hef ég aldrei skilið tilgang allra þessara sendiráða, hvert er markmið þeirra? Hver á ávinningur landsins að vera að halda úti sendiráðum? Er það líka einkamál embættismanna og fyrrverandi stjórnmálamanna?

Annað mál er ESB, afhverju má ekki ákveða samningsmarkmið og láta reyna á þau. Ef þau ganga ekki þá vitum við það, ef þau ganga upp þá verður kosið um þau. Hvað gerist ef EES samningnum verður sagt upp, hvað gerist ef Noregur fer í ESB. Hvað það myndast þörf hjá viðskiptalífinu fyrir annan gjaldmiðil.