Þögli minnihlutinn

1.1.2008 | 21:53

Fálkaorðan mikilvæga

Eitt það gagnslausasta sem hægt er að gera er að býsnast yfir því hverjir fá medalíu frá forsetanum á nýársdag og geri það því ekki.

Þrátt fyrir að vera áhugamaður um aðhald í opinberum rekstri nenni ég heldur varla að rausa um að fjármunum sem fara í þetta húllumhæ sé betur komið í vasa hinna vinnandi stétta, skattgreiðendanna. Bendi þó á að það er varla lífsnauðsynlegt að torvelda fólki að greiða af lánum til þess að heiðra einhverja ráðuneytisstjóra og aðra fyrir að vinna.

Það sem ég ætlaði að koma á framfæri var hversu gaman er sjá að eftir upphlaup feminista fyrir nokkrum árum vegna kynjahlutfalls við veitingu orðanna hafa svo til jafnmargar konur og karlar slegið í gegn ár hvert að mati forseta.

	Ellefu sæmdir heiðursmerkjum
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Ég hef til gamans tekið saman lista yfir þá sem líklega hafa fengið tilefnislausar orður á árunum 2000-2007, þetta eru 66 einstaklingar.

Listan má sjá hér http://otti.blog.is/blog/otti/entry/404351/

Óttarr Makuch, 2.1.2008 kl. 00:17

Ég held forsetinn komi ekkert nálægt ákvörðun um orðuveitingar. Það er sérstök orðunefnd. Þú gætir t.d. ákveðið að einhver vinur þinn ætti skilið orðu. Safnar nægilegum undirskriftum og sendir orðunefnd. Vigdís ætlaði að endurskoða orðuveitingar en komst að því að forsetaembættið hefur ekkert með þetta að gera annað en að afhenda orðurnar. En allir ráðuneytisstjóra td fá orður fyrr eða síðar og aðrir embættismenn til að geta borið þær í fínum veislum. Húmbúkk

Hólmdís Hjartardóttir (IP-tala skráð) 2.1.2008 kl. 00:58

Ég var fyrst smá pirraður á því að lesa hvernig þú reynir að gera lítið úr því þegar einhverjir aðilar fá viðurkenningu fyrir störf sín í samfélaginu, finnst slíkt aumt og mörg önnur málefni merkilegri að taka á við (sérstaklega ef fólk er með einhverja menntun).

Óttar Guðlaugsson gerir að mínu mati mjög varhugaverða færslu, þar sem hann setur marga mismunandi aðila undir eitt og vill þannig benda á tilgangsleysi fálkaorðunnar, mörg nöfn á þessum lista sem ég þekki ekki og get því ekki tekið afstöðu til.

Væri flott ef starf orðunefndar væri að skrifa pistil á heimasíðu forsætisembættisins um hverja og eina útnefningu, þar sem ígrundaðar væru ástæður orðuveitingarinnar og rakin smá saga einstaklinganna sem njóta þessa heiðurs.

Ég horfði á börn leika sér úti í snjó um daginn, byggja snjóhús og snjókarla. Góður dagur og margir nutu þess sem gert var í góðum leik. Næsta dag komu önnur börn á svæðið, eyðilögðu snjóhúsið og snjókarlana. Það tók þau ca 15 mínútur að rústa dagsverki hinna. Síðan voru bara nokkrir óáhugaverðir snjóhaugar eftir. Þriðja daginn rigndi og snjórinn hvarf.

Það tekur eflaust tíma að búa til einhverskonar tákn viðurkenningar á Íslandi sem allir sætta sig við, hugsanlega ómögulegt. Það þarf hins vegar ekki mikla krafta og útsjónarsemi að eyðileggja slíkt tákn viðurkenningar. Þegar á botninn er hvolft spyr maður sjálfan sig, hvort þetta skipti máli yfirhöfuð? Rigningin skolar snjónum í burtu, af hverju byggir maður snjóhús? Af hverju er maður að gefa gjafir yfir jólin? Af hverju heldur maður matarboð, eyðir tíma í að útbúa einhverja flotta máltíð?

Af hverju veitir forsetaembættið fálkaorðuna?

Fólk reynir að skapa þýðingu í lífi sínu á einn eða annan hátt. Samkvæmt því sem ég les hjá ykkur, þá er orðunefnd að gefa fólki í landinu tækifæri til þess að útnefna hvort annað, þar sem það sjálft telur einhvern bera af á jákvæðan hátt. Leitt ef allir einstaklingarnir sem hafa fengið orðu bera ekki jafnmikla þýðingu í huga allra, en þannig er nú lífið bara. Af hverju þarf að skíta á fólk, gera lítið úr þeim heiðri sem því er sýndur? Hver setur ykkur á svona háan stall að þið getið dæmt fólk sem hæft eða óhæft til að hljóta útnefningu? Lista fólk upp, benda á einhvern stöðutitil og gera lítið úr fólki og hvað það gæti hafa gert til þess að hljóta viðurkenningu. Án þess að vita neitt áþreifanlegt, eða jafnvel reyna að komast að því?

Aumingjaháttur!

Þorvarður Goði (IP-tala skráð) 2.1.2008 kl. 10:01