Shakespeare in love

Þessi nöldurfærsla kemur e.t.v. 10 árum of seint því kvikmyndin Shakespeare in love hlaut óskarsverðlaun sem besta myndin 1998.

Ég var að sjá hana í fyrradag.

Hvílíkur ömurleiki er þessi mynd og hvílíkt og annað eins bókmenntasnobb var það að velja þessa mynd þá bestu árið 1998.

Myndin eins ótrúverðug og hugsast getur. Í fyrsta lagi fjallar hún um að Shakespeare verður ástfanginn af konu sem leikin er að Gwynett Paltrow (eða hvernig sem það er skrifað). Í öðru lagi þekkir hann ekki ástkonu sína ef hún setur á sig þunnt gerviyfirvaraskegg, jafnvel þótt hann eyði með henni löngum stundum í slíku gervi spjalli við hana í miklu návígi. Hann heldur bara að þetta sé einhver kall!

Ég nenni ekki að halda áfram að telja upp... það pirrar mig bara. Héðan í frá mun ég ekki taka neitt mark á óskarsverðlaunum.

Athugasemdir

[Davíð (IP-tala skráð) 17.4.2008 kl. 17:19]

Þú ert analfabet - konur sem eru í karlagerfi er tilvísun í leikrit Shakespeares, sem notaði karla í kvengerfum sem konur í uppsetningum leikritanna ... bítur í skott sér ... en hvernig ætti lögfræðingur að fatta slíkt

[Oddgeir Einarsson, 17.4.2008 kl. 19:52]

Hafi ég ekki vitað að karlar léku konur á þessum tíma þá gat það ekki farið framhjá mér við áhorf myndarinnar þar sem sú staðreynd var ítrekað stöfuð ofan í áhorfandann í myndinni.

Jafnvel þó það væri gríðarleg snilld að láta konuna þykjast vera karl útaf þessu þá útskýrir það engan veginn að maðurinn hafi haldið að ástkona sín væri bara einhver karlmaður úti bæ af því að hún setti á sig gerviskegg.

[Baldur Gautur Baldursson, 29.4.2008 kl. 08:05]

Tapaði næstum því trú á kvikmyndabransann eftir að hafa séð myndina og lofsamlega dóma gagnrýnenda.  Hvílíkt tímaeyðsla!