Óþarfa óskýrleiki

Það var eiginlega ekki fyrr en eftir að Ólafur Rangar tók við forsetaembættinu sem raunverulega reyndi hvort að einkennileg ákvæði stjórnarskrárinnar um völd forseta og að ráðherra framkvæmi vald hans veittu forsetanum raunveruleg völd eður ei.

Mér finnst það bæði undarlegt ef sagt er að forseti hafi vald sem hann megi ekki nota og eins ef sagt er að ráðherra framkvæmi vald forseta en síðan framkvæmi forseti það sjálfur í stað ráðherra.

Ef endurskoða á stjórnarskránna legg ég til að skerpt verði á öllu orðalagi og menn taki afstöðu hver völd forseta eigi að vera og orði stjórnarskránna þannig að ekki þurfi að velta því fyrir sér hvort forseti eigi að gera tiltekna hluti eða ráðherra.

Stórkostlegur misskilningur forseta

Athugasemdir

[Einar Skúlason (IP-tala skráð) 26.1.2009 kl. 22:30]

Sæll Oddgeir

 Ég hvet þig til að bjóða þig fram á stjórnlagaþing, þegar kosningar fara fram í það og taka sjálfur þátt í að móta nýja stjórnarskrá. Sjá: http://framsokn.is/?i=36&expand=13-25-36&b=1,3719,news.html

kveðja,

Einar Skúla

[Júlía Helgadóttir (IP-tala skráð) 27.1.2009 kl. 10:59]

Nú eða bara leggja þetta punt niður.  Þetta er bara peningaeyðsla.  Ég legg það til, hér með.

[Óskar Steinn Gestsson, 27.1.2009 kl. 12:05]

Það er hálf tilgangslaust að veita forsetanum það vald að rjúfa þing ef það er svo forsætisráðherra sem þarf að framkvæma það, svona atriðum þarf að eyða, það er klárt mál! En samkvæmt 24. grei, þá er klárt mál að forsætisráðherra getur EKKI rofið þing nema að forseti hafi fyrst beðið hann um það!

[Oddgeir Einarsson, 29.1.2009 kl. 16:23]

Sammála þér, Júlía, það er engin þörf á því að kasta peningum í þetta embætti. Það er ljóst að ríkið þarf að borga mikið næstu árin sem verður annað hvort fjármagnað með skattahækkunum eða niðurskurði. Það ætti að mínu mati að byrja á að hætta svona yfirstéttarútgjöldum áður en farið að að taka meira af launþegum eða skerða t.d. velferðarþjónustu.

En sé það niðurstaðan að embættið verði ekki lagt niður þá þarf að skerpa á ákvæðum stjórnarskrárinnar um það.