Áramótaskaupið

Þögli minnihlutinn ætlar að spreyta sig í þeirri þjóðaríþrótt að gagnrýna áramótaskaupið.

Að venju var meirihluti atriðanna fremur ófyndinn en þó var lítið af óbærilegum atriðum á borð við söngatriðin sem oft hafa náð að eyðileggja skaupið. Þar sem ófyndnu atriðin voru í meirihluta verða þau ekki talin öll upp hér. Þó verður að geta þess að Lost - umgjörðin hitti vægast sagt illa í mark í ófyndileika sínum og out-of-date-i.

Góðu atriðin:

1. Hitlersbækurnar - Sjaldan sem bein gagnrýni á raunverulegan atburð (útgáfa Tíu Litla negrastráka, auðvitað)kemst upp úr því að vera Spaugstofu-sniðug og í að vera hlæja-aðeins-fyndin.

2. Svarti maðurinn á Alþingi í pontu - Veit ekki af hverju mér þótti það fyndið - Kannski af því að ég var nýbúinn að horfa á Næturvaktina þar sem þessi maður lék Nígeríusvindlara.

3. Jón Gnarr ræðst á selinn Snorra. Ég hefði reyndar hlegið meira ef þetta hefði verið óþolandi appelsínuguli apinn sem Helga Steffensen svo gott sem eyðilegði æsku mína í gegnum.

Athugasemdir

[Oddgeir Einarsson, 3.1.2008 kl. 09:47]

4. Vændisumræðan í Silfri Egils - leiksigur Þorsteins Guðmundssonar

[Júlíus Valsson, 3.1.2008 kl. 11:33]

Mér fannst afskaplega ófyndið að sviðsetja fluglsys í byrjun skaupsins. Hef kynnst of mörgum sem eiga um sárt að binda af þeirra völdum til að geta hlegið að svona atriðum. Með eindæmum ósmekklegt. E.t.v er ég orðinn húmorslaus? Kem bara ekki auga á húmorinn.

[Marðgeir (IP-tala skráð) 3.1.2008 kl. 17:08]

Mjög sammála þér, Oddgeir! Aðallega nr. 2 samt! Frábær leikari þarna á ferð.

[Rúnar Sigurður Sigurjónsson, 3.1.2008 kl. 17:51]

það vill svo til að þetta voru einu atriðin sem ég hló af allt skaupið, sem var hræðilegt.

Setningin: "Þú ert bara mella" var línan sem bar af í skaupinu

[jensen (IP-tala skráð) 3.1.2008 kl. 23:06]

Skaupi þessu skal henda í Sorpu.