Grænmeti og vatn

Hefur einhver reiknað það út hvað það myndi fresta mörgum andlátum hversu lengi ef öllum yrði gert skylt að nærast eingöngu á þann hátt sem næringarfræðingar mæla helst með?  

Sennilega slatta.

Af hverju þá að leyfa fólki að ráða hvað það borðar yfir höfuð?

 

Transfitusýrur: Fita bönnuð

Borgarlögmaður

Hver man ekki þegar Vilhjálmur Þ. Vilhjálmsson fyrrverandi borgarstjóri sagðist í Kastljósi hafa rætt við Borgarlögmann áður en hann tók ákvörðun um eitthvað sem ég man ekki hvað var. Skandallinn var semsagt að hann hafði ekki talað við þann sem gegndi stöðu Borgarlögmanns, sem er embætti á vegum Reykjavíkurborgar.

Það hefur komið mér þægilega á óvart að nýjustu upplýsingar í þessu máli benda til þess að Vilhjálmur hafi ekki verið að segja ósatt.

Sannleikurinn mun vera sá að Vilhjálmur ræddi við Borgar, lögmann, þ.e. Borgar Þór Einarsson héraðsdómslögmann en ekki Borgarlögmann. Borgar er mjög slunginn lögmaður og því ekki fráleitt að Vilhjálmur hafi leitað ráða hjá honum. Borgar lögmaður er líka sjálfsæðismaður og gegndi m.a. formannsstöðu hjá SUS.

Nánari upplýsingar um Borgar lögmann eru hér http://borgar.blog.is/blog/borgar/about/

Barnaskapur

Í dag fjölmennti íslenskt fjölskyldufólk með börn sín á leikinn í Höllinni. Mér fannst dálítið kjánalegt að sjá klappstjóra kenna þessu fólki að púa á andstæðingana. Síðan horfði maður á þessu börn púa á leikmenn andstæðinganna þegar nöfn þeirra voru lesin upp fyrir leikinn. Mér finnst að við eigum ekki að herma svona ódrengskap eftir þeim þjóðum sem svona haga sér gagnvart okkur á sínum heimavelli. Við þurftum ekki á svona barnaskap að halda þegar við slógum Svía út ítrekað.

Guðmundur Guðmundsson: Ekki hægt að kvarta yfir frammistöðu liðsins

Sig.

	Ásdís Rán selur
Ábyrgðarmaður færslu Tenging við þessa frétt hefur verið rofin vegna kvartana.

Rök?

Ég skil ekki rökin fyrir því að banna hvalveiðar nema kjötið seljist allt.

Hefði þá ekki átt að vera löngu búið að banna framleiðslu á lambakjöti hérlendis?

Segir Japana hungra í hvalkjöt

Litli bróðir

Það sem mér þykir athyglisvert við þetta mál er ekki endilega þetta tusk lögreglunnar við unglinginn. Mér þykir stóra samhengið áhugaverðara. Svo virðist sem tækniþróun síðustu ára hafi haft óvæntar afleiðingar í för með sér. Nú er annar hver maður með litla myndbandsupptökuvél í hendinni í símanum sínum. Þetta hefur komið upp um voðaverk af hálfu stjórnvalda í löndum eins og Kína sem áður voru gersamlega lokuð fyrir fréttaumfjöllun. Kannski er þróunin sú að stóru bræður heimsins verða að fara gæta sig á litlu bræðrum sínum sem leynast í hverju skúmaskoti með upptökuvélar.

Ég vona a.m.k. að í þetta skiptið eigum ekki von á kunnuglegum yfirlýsingum yfirmanna lögreglumannsins um að hann hafi „hagað sér í samræmi við verklagsreglur“ eða eitthvað þvíumlíkt.

108.

Mál lögreglumanns til ríkissaksóknara

Shakespeare in love

Þessi nöldurfærsla kemur e.t.v. 10 árum of seint því kvikmyndin Shakespeare in love hlaut óskarsverðlaun sem besta myndin 1998.

Ég var að sjá hana í fyrradag.

Hvílíkur ömurleiki er þessi mynd og hvílíkt og annað eins bókmenntasnobb var það að velja þessa mynd þá bestu árið 1998.

Myndin eins ótrúverðug og hugsast getur. Í fyrsta lagi fjallar hún um að Shakespeare verður ástfanginn af konu sem leikin er að Gwynett Paltrow (eða hvernig sem það er skrifað). Í öðru lagi þekkir hann ekki ástkonu sína ef hún setur á sig þunnt gerviyfirvaraskegg, jafnvel þótt hann eyði með henni löngum stundum í slíku gervi spjalli við hana í miklu návígi. Hann heldur bara að þetta sé einhver kall!

Ég nenni ekki að halda áfram að telja upp... það pirrar mig bara. Héðan í frá mun ég ekki taka neitt mark á óskarsverðlaunum.

Evra hækkar

Undir venjulegum kringumstæðum væri ég mjög uggandi yfir því að Evra hafi hækkað en sem áhangandi Manchester United get ég ekki annað en tekið þessu fagnandi.

Sjálfstæð stefna?

Ef ég man rétt úr fréttum þá sagði Þorgerður Katrín Gunnarsdóttir menntamálaráðherra að hún myndi ekki sniðganga Ólympíuleikana vegna þess prinsipps hennar að ekki ætti að blanda saman stjórnmálum og íþróttum.

Ef ráðherrar Norðurlandanna ákvæðu hinsvegar að sniðganga Ólympíuleikana þá myndi þetta prinsipp hennar hinsvegar hverfa og Þorgerður myndi þá einnig sniðganga Ólympíuleikana.

Hin hliðin á peningnum

Ég er sammála vörubístjórum að það eigi að lækka skatta og fagna því ef „þjóðin“ er óvænt komin inn á þá línu.

Þar sem skattar eru notaðir til að greiða fyrir ýmis útgjöld ríkisins, s.s. heilbrigðiskerfið, vegakerfið, lanbúnaðarkerfið, menntakerfið, listamannalaunakerfið, alþjóðlegt samstarf og svona mætti halda áfram að telja nánast út í hið óendanlega, þá ættu að vera hæg heimatökin að nefna þá kostnaðarliði sem skattalækkunarsinnar vilja fella niður.

Ég er sjálfur hlynntur því að fella sem flest niður þannig að ég þyrfti helst að telja upp það sem ég vil að ríkið standi í á kostnað skattborgara. Ég nefni t.d. lögreglu og dómstóla til þess að framfylgja lögum sem gera ofbeldi refsivert. Langflest annað má fara og því væri gríðarlegt svigrúm til að fella niður olíugjöld að fullu.

Hvar vilja vörubílstjórarnir og fólkið sem styður þá skera niður? Ég hef aðeins heyrt um að spara í flugkostnaði ráðherra (sem er ágætt) en það dugar víst skammt.

Bílstjórar: „Við höldum áfram"